Af hverju skiptir samstaða svo miklu um árangurinn?

Væntingar um gengisþróun krónunnar í kjölfar þess að krónan verður sett á flot ráða miklu um það hvort fjármagn verður flutt út úr krónunni og yfir í aðrar myntir eða ekki. Slíkar ákvarðanir hafa svo bein áhrif á gengi krónunnar. Gert er ráð fyrir veikingu fyrst í stað á meðan erlent fjármagn leitar út en síðan styrkingu í átt að jafnvægi. Því víðtækari sem samstaðan um brýnustu efnahagsaðgerðir er, því líklegra er að við náum að skapa það traust og þá tiltrú sem þarf til að áætlanir gangi eftir. Þetta á bæði við innanlands og meðal erlendra markaðsaðila.