Á fundi ríkisráðs á Bessastöðum í dag var, að tillögu Jóhönnu Sigurðardóttur forsætisráðherra, fallist á að gera breytingar á skipan ríkisstjórnar Íslands.

Ríkisstjórnin samþykkti í morgun endurskoðaðar reglur um undirbúning og meðferð stjórnarfrumvarpa ásamt gátlista. Reglurnar eru ítarlegri en áður og er gert ráð fyrir aukinni eftirfylgni með þeim af hálfu forsætisráðuneytisins.

Útför Benedikts Gröndal, fyrrverandi forsætisráðherra, fer fram á vegum ríkisins næstkomandi föstudag 13. ágúst kl. 13 frá Dómkirkjunni í Reykjavík.

Eftir að forsætisráðuneytið birti tilkynningu 3. ágúst sl. um skipun nefndar til að meta lögmæti kaupa fyrirtækisins Magma Energy Sweden AB á eignarhlutum í HS Orku ehf. og starfsumhverfi orkugeirans hér á landi bárust ráðuneytinu ábendingar um hugsanlegt vanhæfi eins nefndarmanns, þ.e. Sveins Margeirssonar.

Forsætisráðherra var heiðursgestur á Íslendingahátíðinni í Gimli, Manitoba sem haldin var í byrjun vikunnar. Jafnframt var forsætisráðherra heiðursgestur á Íslendingahátíð í Mountain, Norður-Dakóta.

Forsætisráðherra hefur skipað nefnd sem skal meta lögmæti kaupa fyrirtækisins Magma Energy á eignarhlutum í HS Orku og starfsumhverfi orkugeirans hér á landi.

Forsætisráðherra átti í dag fund með Greg Selinger, forsætisráðherra Manitoba í Kanada. Forsætisráðherrarnir ræddu m.a. um menningarleg samskipti og möguleika í ferðaþjónustu og viðskiptum.

Forsætisráðherra verður heiðursgestur á Íslendingahátíðum í Kanada og Bandaríkjunum dagana 30. júlí – 2. ágúst næstkomandi. Íslendingahátíð er nú haldin í 111. sinn í Mountain, Norður-Dakóta og í 121. sinn í Gimli í Manitoba.

Stjórnarflokkarnir eru sammála um mikilvægi þess að standa vörð um sameign þjóðarinnar á náttúruauðlindum sínum í samræmi við ákvæði samstarfsyfirlýsingar ríkisstjórnarinnar og sérstaka yfirlýsingu hennar um orkumál frá 18. maí 2010 þar sem m.a. kemur fram að ekki verði á starfstíma ríkisstjórnarinnar hróflað við eignarhaldi ríkisins á orkufyrirtækjum og unnið að því að ákvæði um sameign þjóðarinnar á náttúruauðlindum verði tekið upp í stjórnarskrá.

Í dag, 7. júlí verður formlega hrundið af stað hvatningarátaki  sem stjórnvöld, í samvinnu við aðila vinnumarkaðarins, efna til í sumar.

Ríkisstjórnin virðir sjálfstæði Seðlabankans og Fjármálaeftirlitsins og ber fullt traust til þessara stofnana við að sinna lögbundnu hlutverki sínu.

Í dag, 17. júní, kynnti afmælisnefnd Jóns Sigurðssonar niðurstöður í samkeppnum um afmælismerki, frímerki og um sýningu á Hrafnseyri. Við sama tækifæri var vefurinn jonsigurdsson.is opnaður og samkeppni um minjagripi og handverk var hleypt af stokkunum.

Í frumvarpinu er lagt til að ráðuneytum verði fækkað úr 12 í 9. Markmiðið með breytingunum er að endurskipuleggja ráðuneyti í því skyni að gera þjónustu hins opinbera við almenning og atvinnulíf eins góða og kostur er með þeim fjármunum sem til ráðstöfunar eru hverju sinni.

Viðburðadagskrá vegna 200 ára fæðingarafmælis Jóns Sigurðssonar forseta verður kynnt í Ráðhúsi Reykjavíkur 17. júní 2010 kl. 14:00.

Hátíðarhöld á 17. júní hefjast með guðsþjónustu í Dómkirkjunni kl. 10:30. Að lokinni guðsþjónustu verður hátíðardagskrá á Austurvelli.

Forsætisráðherra hefur lagt fram á Alþingi frumvarp til laga um breytingu á lögum um Stjórnarráð Íslands.

Á fundi leiðtoga aðildarríkja Eystrasaltsráðsins í gær voru efnahagsmál og styrking svæðisbundins samstarfs í forgrunni.

Jóhanna Sigurðardóttir sækir leiðtogafund Eystrasaltsráðsins sem haldinn er í Vilníus í Litháen, 1.-2. júní. Þar verður rætt verður um styrkingu svæðisbundins samstarfs, meðal annars á sviði efnahagsmála og orkumála en einnig verður fjallað um næstu skref í baráttu Eystrasaltsráðsins gegn skipulagðri glæpastarfsemi og mansali.

Grein Jóhönnu Sigurðardóttur forsætisráðherra sem birtist á Bloomberg Businessweek.

Forsætisráðherra sótti í dag árlegan sumarfund forsætisráðherra Norðurlandanna sem haldinn var í Marienborg í Danmörku.

Ríkisstjórnin hefur samþykkt að hefja undirbúning fyrir stofnun upplýsingatæknimiðstöðvar. Sett verður á fót framkvæmdanefnd sem mun útfæra tillögur um skipulag og starfsemi miðstöðvarinnar og móta henni fjárhagsáætlun.

Ríkisstjórnin samþykkti á fundi sínum í morgun að skipa nefnd til að gera tillögur að breytingum á viðeigandi lögum og reglugerðum sem tryggi að öll meiriháttar verðmæti falli innan viðlaga- og tryggingakerfis.

Dagur upplýsingatækninnar, UT-dagurinn, verður haldinn fimmtudaginn 20. maí næstkomandi. Að þessu sinni verða haldnar tvær ráðstefnur þennan dag og í dagskrárlok verða í fyrsta skipti afhent upplýsingatækniverðlaun Skýrslutæknifélagsins.

Á ríkisstjórnarfundi í morgun kynnti forsætisráðherra skýrslu starfshóps um viðbrögð stjórnsýslunnar við skýrslu rannsóknarnefndar Alþingis: Aðdragandi og orsakir falls íslensku bankanna 2008 og tengdir atburðir.

Nefndum og ráðum á vegum ríkisins fækkaði milli áranna 2008 og 2009, kostnaður minnkaði og kynjahlutfall jafnaðist. Þetta kemur fram í svari Jóhönnu Sigurðardóttur forsætisráðherra við fyrirspurn Birkis Jóns Jónssonar þingmanns, sem lagt var fram á Alþingi í gær.

Ætla má að tafir á Icesave-viðræðum og framgangi efnhagsáætlunar íslenskra stjórnvalda hafi leitt til þess að samdráttur ársins 2010 verði nærri 2% meiri en áður var spáð. Það svarar til 30 milljarða króna og 1-2% meira atvinnuleysi en annars hefði verið.

Í ræðu sinni á aðalfundi Samtaka atvinnulífsins sem haldinn var í dag hvatti Jóhanna Sigurðardóttir, forsætisráðherra, samtökin til að koma aftur að stöðugleikasáttmálanum. Þá fjallaði hún einnig um hvað einkenna þurfi nýtt bankakerfi, á hvaða grunni atvinnulífið eigi að byggjast og hvernig umsókn að ESB sé óaðskiljanlegur hluti af endurreisn íslensks efnahagslífs.

Ríkisstjórnin ræddi ítarlega um málefni tengd eldgosinu í Eyjafjallajökli á fundi sínum í morgun. Ríkisstjórnin leggur áherslu á að upplýsingum sé skipulega komið til íbúa, þeim veitt sálgæsla og annar nauðsynlegur stuðningur. Í þessum tilgangi hefur verið komið á fót sérstökum þjónustumiðstöðvum á Heimalandi og í Vík.

Forsætisráðherra, Jóhanna Sigurðardóttir átti fund með Evu Joly, ráðgjafa sérstaks saksóknarar í dag til að heyra hennar viðhorf um stöðu mála og nauðsynlegar aðgerðir við rannsókn efnahagsbrota í ljósi skýrslu rannsóknarnefndar Alþingis.

Jóhanna Sigurðardóttir forsætisráðherra fagnar skýrslu rannsóknarnefndar Alþingis um aðdraganda og orsök falls íslensku bankanna árið 2008. Í umræðum á Alþingi í dag sagði forsætisráðherra skýrsluna meðal annars vera þungan áfellisdóm yfir stjórnkerfi, stjórnmálum, eftirlitsaðilum og fjármálastofnunum en um leið áskorun um heiðarlegt uppgjör, breyttar leikreglur í stjórnmálum og nýja og skýrari starfshætti í stjórnkerfinu.

Starfshópur um endurskoðun upplýsingalaga áformar að skila forsætisráherra frumvarpi að nýjum upplýsingalögum á næstu vikum.

Nefnd um fyrirkomulag leigu á vatns- og jarðhitaréttindum í eigu ríkisins hefur lokið störfum. Verður skýrsla nefndarinnar kynnt á fundi í Þjóðmenningarhúsinu á morgun, fimmtudaginn 8. apríl, kl. 10.30.

Forsætisráðherra, fjármálaráðherra og samgöngu- og sveitarstjórnarráðherra boðuðu í dag til fundar með aðilum stöðugleikasáttmálans. Fundinn sóttu fulltúar Alþýðusambands Íslands, Bandalags háskólamanna, Bandalags starfsmanna ríkis og bæja, Kennarasambands Íslands, Samtaka starfsmanna fjármálafyrirtækja, Sambands íslenskra sveitarfélaga og Bændasamtaka Íslands.

Jóhanna Sigurðardóttir forsætisráðherra mælti í dag á Alþing i fyrir frumvarpi til laga um sanngirnisbætur fyrir misgjörðir á stofnunum og heimilum fyrir börn. Þar er kveðið á um bætur allt að 6 milljónum króna til handa einstaklingum sem urðu fyrir varanlegum skaða vegna illrar meðferðar eða ofbeldis á tilteknum stofnunum eða heimilum.

Ríkisstjórnin lýsir vonbrigðum sínum og undrun með yfirlýsingar Samtaka atvinnulífsins varðandi stöðugleikasáttmálann. Ríkisstjórnin vísar því alfarið á bug að stöðugleikasáttmálanum hafi verið slitið af hálfu ríkisstjórnarinnar með samþykkt Alþingis á skötuselsfrumvarpinu svo kallaða.

Meðal þess helsta sem nú er lagt til af hálfu ríkisstjórnarinnar er stórbætt greiðsluaðlögunarfrumvarp sem bætir samningsstöðu lántakenda gagnvart sínum lánadrottnum. Samhliða nýju greiðsluaðlögunarfrumvarpi verður sett á fót embætti umboðsmanns skuldara sem  verður talsmaður lántakenda gagnvart lánardrottnum og er ekki hlutlaus. Ennfremur eru kynntar fleiri nýjungar sem bæta stöðu lántakenda enn frekar.

Forsætisráðherra fundaði í dag með sendinefnd frá Evrópunefnd þýska þingsins. Nefndin mun fjalla um umsókn Íslands um aðild að Evrópusambandinu, áður en kanslari Þýskalands tekur afstöðu til umsóknarinnar á fundi leiðtoga Evrópusambandsins.

Forsætisráðherra tók í dag á móti forseta Maldíveyja í heimsókn hans til Íslands. Forsetinn lýsti áhuga á nánara samstarfi ríkjanna, einkum við uppbyggingu þekkingar og tækni í sjávarútvegi, auk þess sem Maldíveyjar hafa sett sér stefnu um að nota í sem mestum mæli endurnýjanlega orkugjafa.

Ríkisstjórnin samþykkti á fundi sínum í morgun frumvarp forsætisráðherra um sanngirnisbætur vegna misgjörða á stofnunum og heimilum sem falla undir lög nr. 26/2007.

Jóhanna Sigurðardóttir forsætisráðherra minntist, í ávarpi í tilefni tvítugsafmælis Stígamóta, þeirra tímamóta sem urðu fyrir tuttugu árum þegar samtökin voru stofnuð og það mikilvæga og nauðsynlega starf sem þau hafa unnið upp frá því.

Jóhanna Sigurðardóttir, forsætisráðherra mælti í gær á Alþingi fyrir frumvarpi til laga um breytingu á lögum um Stjórnarráð Íslands og fleiri lögum.

Jóhanna Sigurðardóttir forsætisráðherra mælti fyrir tillögu til þingsályktunar fimmtudaginn 18. febrúar sl. þar sem Alþingi ályktar að fela ríkisstjórninni að undirbúa sóknaráætlun til að efla atvinnulíf og samfélag um allt land.

Jóhanna Sigurðardóttir forsætisráðherra átti fund með Diana Wallis, varaforseta Evrópuþingsins, í Stjórnarráðshúsinu í morgun. Á fundinum ræddu þær ýmis mál sem tengjast Icesave deilunni við Breta og Hollendinga.

Jóhanna Sigurðardóttir forsætisráðherra sagði á Viðskiptaþingi á Hótel Nordica í dag að samvinna ríkisstjórnar og atvinnulífsins væri lykilatriði í endurreisn efnahagslífsins.

Jóhanna Sigurðardóttir forsætisráðherra átti í dag fund með Jose Manuel Barroso, forseta framkvæmdastjórnar Evrópusambandsins, og Olli Rehn, núverandi yfirmanni stækkunarmála.

Smávægileg seinkun verður á athöfninni vegna tafa á flugafgreiðslu í Kaupmannahöfn. Laugardalshöllin verður opnuð kl. 16:45 en athöfnin mun hefjast um kl. 17:45.

Húsfyllir var á fundi Sóknaráætlunar 20/20 á Radisson SAS Hotel Sögu í gær þar sem horft var til framtíðar fyrir atvinnulíf og samfélag og kallað eftir sjónarmiðum samtaka, grasrótarhópa og hagsmunaaðla um það sem aukið gæti lífsgæði og samkeppnishæfni Íslands á komandi árum.

Vinna við sóknaráætlun ríkisstjórnarinnar, 20/20 Sóknaráætlun, gengur samkvæmt áætlun. Í upphafi árs er lögð áhersla á að fá yfirsýn yfir þá stefnumótun sem gerð hefur verið á ýmsum sviðum samfélagsins frá hruni.

Sóknaráætlun 20/20 er ætlað að ná fram samstöðu um lykilákvarðanir og framtíðarsýn fyrir atvinnulíf og samfélag sem skili okkur til móts við bjartari og betri tíma eins hratt og örugglega eins og kostur er.

Forsætisráðherra hefur í dag tilkynnt Dominique Strauss Kahn, framkvæmdastjóra Alþjóðagjaldeyrissjóðsins, bréflega að af hálfu íslenskra stjórnvalda sé lögð áhersla á að efnahagsáætlun ríkisstjórnarinnar og Alþjóðagjaldeyrissjóðsins haldi hindrunarlaust áfram, enda þótt fyrirsjáanlegt sé að lausn Icesave-málsins muni tefjast vegna fyrirhugaðrar þjóðaratkvæðagreiðslu.

Í ljósi fjölmiðlaumfjöllunar um ábyrgð gistiríkja á eftirliti útibúa fjármálastofnana innan sinnar lögsögu er ástæða til að árétta nokkur atriði.