Fréttasafn
Opinber heimsókn forsætisráðherra til Svíþjóðar
Halldór Ásgrímsson forsætisráðherra og Sigurjóna Sigurðardóttir, eiginkona hans, verða í opinberri heimsókn í Svíþjóð dagana 25. og 26. nóvember nk. Í heimsókninni mun forsætisráðherra eiga fundi með Göran Persson, forsætisráðherra Svíþjóðar.
Meðan á heimsókninni stendur munu forsætisráðherrahjónin m.a. heimsækja Uppsalaháskóla og ræða þar við kennara og nemendur í íslenskum fræðum. Þá munu þau heimsækja Nóbelssafnið í Stokkhólmi og höfuðstöðvar KB-banka og Ericsson í Svíþjóð.
Í Reykjavík 22. nóvember 2004.
