Skipan bankastjórnar Seðlabanka Íslands

15.8.2003

Frétt nr.: 13/2003

Forsætisráðherra hefur í dag skipað Jón Sigurðsson framkvæmdastjóra í embætti bankastjóra í Seðlabanka Íslands til sjö ára frá 1. október nk.

Jón Sigurðsson er fæddur 1946. Hann hefur m.a. lokið prófum í sagnfræði, rekstrarhagfræði og stjórnun. Jón hefur gegnt fjölda trúnaðarstarfa fyrir stjórnvöld og í atvinnulífinu, m.a. sem rektor Samvinnuskólans og síðar Samvinnuháskólans á Bifröst 1981-1991 og framkvæmdastjóri Vinnumálasambandsins 1997-1999. Þá hefur hann sem rekstrarhagfræðingur sinnt ráðgjöf og verkefnisstjórn fyrir ýmsa aðila, þ. á m. Verslunarráð Íslands og Samtök atvinnulífsins.