Fréttasafn
Fundur forsætisráðherra og utanríkisráðherra með Jaap Hoop de Scheffer, framkvæmdarstjóra Atlantshafsbandalagsins
Geir H. Haarde, forsætisráðherra, og Ingibjörg Sólrún Gísladóttir, utanríkisráðherra eiga í dag fund með Jaap Hoop de Scheffer, framkvæmdarstjóra Atlantshafsbandalagsins, en síðarnefndur verður staddur hér á landi vegna fundar þingmannasamtaka bandalagsins. Gert er ráð fyrir að fjallað verði um ýmis mál sem eru ofarlega á baugi um þessar mundir, m.a. undirbúning leiðtogafundar Atlantshafsbandalagsins í Búkarest í apríl 2008.
Ráðherrarnir og framkvæmdarstjórinn munu hitta blaðamenn í Ráðherrabústaðnum við Tjarnargötu kl. 19:30.
Reykjavík 8. október 2007
