Framkvæmdastjóri Atlantshafsbandalagsins heimsækir Ísland
Anders Fogh Rasmussen, framkvæmdastjóri Atlantshafsbandalagsins, kemur til Íslands á morgun, 13. ágúst, í boði Sigmundar Davíðs Gunnlaugssonar forsætisráðherra. Heimsóknin er liður í undirbúningi fyrir leiðtogafund bandalagsins, sem haldinn verður í Wales dagana 4.-5. september nk. Er jafnframt um kveðjuheimsókn framkvæmdastjórans að ræða, en hann lætur af störfum í lok næsta mánaðar.
Anders Fogh Rasmussen mun meðal annars eiga fundi með forsætisráðherra og Gunnari Braga Sveinssyni utanríkisráðherra, og heimsækja Alþingi á meðan á heimsókn hans stendur.
Framkvæmdastjóri Atlantshafsbandalagsins heldur af landi brott að morgni fimmtudags.