Ráðherranefnd um efnahagsmál starfar sem hluti af skipulagi forsætisráðuneytisins undir forystu forsætisráðherra. Ráðherranefndina skipa auk forsætisráðherra, fjármála- og efnahagsráðherra, atvinnuvega- og nýsköpunarráðherra og umhverfis- og auðlindaráðherra. Aðrir ráðherrar sitja fundi nefndarinnar í samræmi við umfjöllunarefni eða samkvæmt eigin ósk.

Ráðherranefnd um Evrópumál starfar undir forystu forsætisráðherra. Nefndina skipa auk hans, utanríkisráðherra, atvinnuvega- og nýsköpunarráðherra og mennta- og menningarmálaráðherra. Aðrir ráðherrar sitja fundi nefndarinnar í samræmi við umfjöllunarefni eða samkvæmt eigin ósk.

Ráðherranefnd um jafnréttismál starfar í forsætisráðuneytinu, í henni sitja auk forsætisráðherra, velferðarráðherra, innanríkisráðherra og umhverfis- og auðlindaráðherra. Aðrir ráðherrar sitja fundi nefndarinnar í samræmi við umfjöllunarefni eða samkvæmt eigin ósk.

Ráðherranefnd í atvinnumálum fjallar um atvinnu- og vinnumarkaðsmál m.a. í tengslum við markmið sem sett eru fram í stefnunni Ísland 2020. Forsætisráðherra og atvinnuvega- og nýsköpunarráðherra sitja í nefndinni en aðrir ráðherrar sitja fundi hennar í samræmi við umfjöllunarefni eða samkvæmt eigin ósk.