Ráðgjafarnefnd um opinberar eftirlitsreglur

• Skipan nefndar
• Hlutverk nefndar
• Lög um opinberar eftirlitsreglur
• Reglugerð um eftirlitsreglur hins opinbera

• Samþykktir ríkisstjórnar um mat á opinberum eftirlitsreglum
  - Grunnmat á eftirlitsreglum - fylgiskjal 1 (PDF - 16Kb) / Grunnmat á eftirlitsreglum - fylgiskjal 1(DOC - 24Kb)
  - Leiðbeiningar um ítarlegt mat á áhrifum eftirlitsreglna - fylgiskjal 2 (PDF - 52Kb)

Útgefnar skýrslur

• Skýrsla forsætisráðherra um áhrif laga um opinberar eftirlitsreglur og störf ráðgjafarnefndar 2002–2005. (Lögð fyrir Alþingi á 132. löggjafarþingi 2005–2006.)
• Skýrsla ráðgjafarnefndar um opinberar eftirlitsreglur um áhrif laga um opinberar eftirlitsreglur og störf nefndarinnar 1999–2002 (2002) (word skjal)
• Framtíðarskipan opinbers matvælaeftirlits (2001)
• Opinberar eftirlitsreglur (2000)

Samþykktir ríkisstjórnar um mat á opinberum eftirlitsreglum

Þegar frumvarp að reglum um opinbert eftirlit, sem fellur undir 1. mgr. 1. gr. laga nr. 27/1999, er samið, skal meta þörf á eftirlitinu, þjóðfélagslegt gildi þess og kostnað af því og semja um það greinargerð. Þetta á við hvort heldur þegar um nýsmíði er að ræða eða eldri reglur endurskoðaðar.

Á vegum forsætisráðuneytisins er starfrækt nefnd til ráðgjafar um framkvæmd laga nr. 27/1999 og eftirlitsstarfsemi hins opinbera. Nefndin er reiðubúin að veita ráðuneytunum og öðrum stjórnvöldum ráðgjöf við þróun aðferða við mat á eftirlitsreglum og veita umsagnir um greinargerðir um slíkt mat.
Á fundi ríkisstjórnarinnar 28. maí 2003 voru samþykktar reglur um meðferð stjórnarfrumvarpa. Í 3 tl. reglnanna segir:

Þegar stjórnarfrumvarp felur í sér ákvæði um eftirlit skal fylgja því greinargerð um mat skv. 1. mgr. 3. gr. laga nr. 27/1999, um opinberar eftirlitsreglur.
Ráðgjafarnefnd um opinberar eftirlitsreglur hefur útbúið einfalt form fyrir þær lágmarkskröfur sem mat á eftirlitsreglum þarf að uppfylla (sjá fylgiskjal 1). Gera má ráð fyrir að matið yrði almennt unnið innan þess ramma sem þar greinir. Á fundi ríkisstjórnarinnar 23. september 2003 var eftirfarandi samþykkt sem nánari skýring á fyrri samþykkt:

Ríkisstjórnin samþykkir að greinargerð um mat skv. 1. mgr. 3. gr. laga nr 27/1999, um opinberar eftirlitsreglur skuli að lágmarki vera unnin í samræmi við fyrirmynd sem fram kemur í Grunnmati á eftirlitsreglum, sbr. fylgiskjal 1.

Ráðgjafarnefndin hefur einnig látið útbúa minnisatriði og leiðbeiningar um aðferðafræði við ítarlegra mat, sem unnt er að styðjast við þegar setning eftirlitsreglna felur í sér víðtækari kerfisbreytingar (sjá fylgiskjal 2).