Stjórnarskrá

Stjórnarskrárvefur

Hér er að finna upplýsingar um málefni stjórnarskrárinnar, þar á meðal yfirstandandi vinnu stjórnarskrárnefndar, sambærileg eldri verkefni, ákvæði núgildandi stjórnarskrár og eldri rétt. Lögð er áhersla á að veita yfirsýn yfir þróun einstakra ákvæða og skýringu þeirra, meðal annars í dómum Hæstaréttar og álitum umboðsmanns Alþingis. Ítarlegar skrár yfir heimildir og vefslóðir leiðbeina um öflun nánari upplýsinga. Markmiðið er að helstu gögn um málefni stjórnarskrárinnar verði aðgengileg á einum stað og uppfærð jafnóðum. 

Í stefnuyfirlýsingu Framsóknarflokks og Sjálfstæðisflokks frá 22. maí 2013 kemur fram að áfram verður unnið að endurskoðun stjórnarskrár lýðveldisins með breiða samstöðu og fagmennsku að leiðarljósi. Þar er lögð áhersla á gagnsæi og upplýsta umræðu með þátttöku almennings. Gerð þessa vefs er meðal annars ætlað að mæta þeim markmiðum.

Starf stjórnarskrárnefndar - 1. áfangaskýrsla júní 2014

Ábendingar eru vel þegnar og sendist til: postur@for.is.