Hreinteikning og stílfæring skjaldarmerkis Íslands

Íslenska skjaldarmerkið árið 2004

Til að mæta kröfum um notkun skjaldarmerkis Íslands í nútímaprentiðnaði og öðrum miðlum var grafíska hönnuðinum Ólöfu Árnadóttur og myndlistarmanninum Pétri Halldórssyni, auglýsingastofunni P & Ó, falið að hreinteikna og stílfæra skjaldarmerkið. Gætt var í hvívetna að varðveita upprunalega teikningu Tryggva Magnússonar. Skjaldarmerkið er nú til á tölvutæku formi í öllum þeim útfærslum sem þarf fyrir nútímaprent- og skjámiðla.