Ráðgjafaráð var stýrihópi til ráðgjafar um skipulag og framkvæmd verkefnisins.

Verkefnishópur um samþættingu áætlana var settur saman af verkefnisstjórum ýmissa áæltana ríkisins sem skipta máli til að þau markmið og verkefni sem af Sóknaráæltun leiða komist til framkvæmda. Hópnum var ætlað að samþætta þessar veigamiklu áætlanir hins opinbera í samræmi við áherslur og stefnumótun Sóknaráæltunar.

Verkefnishópur um mótun atvinnustefnu átti að móta heildstæða atvinnustefnu fyrir Ísland sem tæki meðal annars til þess hvers konar efnahags- og samfélagsuppbygging hentar best og hvaða fyrirtækja- og þekkingarklasa verður lögð áhersla á að byggja upp, hvernig og hvar.

Stýrihópur um samkeppnishæfni átti að leggja línur um hvernig hægt er að bæta samkeppnishæfni Íslands þegar til langs tíma er litið. Skipaðir voru ábyrgðarmenn fyrir hvert svið. Hlutverk þeirra var að kalla fram álit sérfræðinga á hverju sviði fyrir sig og gera tillögur til stjórnvalda að úrbótum sem styrkja samkeppnishæfni Íslands.