Vestnorrænn leiðtogafundur í nýrri menningarmiðstöð

Davíð Oddsson forsætisráðherra, Anfinn Kallsberg lögmaður Færeyja og Josef Motzfeldt varaformaður grænlensku landsstjórnarinnar hittast á fundi í nýrri menningarmiðstöð Vestur-Norðurlanda á Norðurbryggjunni í Kaupmannahöfn fimmtudaginn 27. nóvember kl. 10:00. Þar mun Davíð Oddsson meðal annars kynna stefnu Íslendinga í Norrænu ráðherranefndinni á næsta ári og fyrirhugaðan fríverslunarsamning Íslands og Færeyja. Stjórn fiskveiða og hvalveiðimál verða einnig til umræðu. Að fundinum loknum verða leiðtogar Vestur-Norðurlanda viðstaddir formlega opnun menningarmiðstöðvarinnar.

Frekari upplýsingar um leiðtogafundinn veitir Snjólaug Ólafsdóttir skrifstofustjóri Norðurlandaskrifstofu í síma 896-3962.

                                                                                                 Reykjavík 26. nóvember 2003