Opinber heimsókn forsætisráðherra Lettlands
Frétt nr.: 20/2002
Opinber heimsókn forsætisráðherra Lettlands
Forsætisráðherra Lettlands hr. Andris Berzins kemur ásamt eiginkonu sinni, frú Daina Berzina, og öðru föruneyti í opinbera heimsókn til landsins á morgun, miðvikudaginn 5. júní. Í heimsókn sinni mun ráðherrann eiga viðræður við Davíð Oddsson forsætisráðherra, heimsækja Bessastaði, alþingishúsið og ráðhús Reykjavíkur, eiga fund með viðskiptamönnum og fjárfestum í Lettlandi og fara í skoðunarferðir um landið samkvæmt hjálagðri dagskrá.Boðað er til blaðamannafundar með forsætisráðherrum Íslands og Lettlands í Ráðherrabústaðnum við Tjarnargötu fimmtudaginn 6. júní nk. kl. 10.20.
Reykjavík, 4. júní 2002