Breytingar á skipan ráðherraembætta
Frétt nr.: 38/2004
Á fundi ríkisráðs á Bessastöðum í dag var að tillögu Davíðs Oddssonar forsætisráðherra fallist á að veita Siv Friðleifsdóttur lausn frá embætti ráðherra í ríkisstjórn Íslands og að skipa Sigríði Önnu Þórðardóttur umhverfisráðherra í hennar stað.
Jafnframt var að tillögu Davíðs Oddssonar forsætisráðherra fallist á að veita honum og Halldóri Ásgrímssyni utanríkisráðherra lausn frá þeim embættum og að skipa Halldór Ásgrímsson forsætisráðherra í hans stað.
Ennfremur var að tillögu Halldórs Ásgrímssonar forsætisráðherra fallist á að skipa Davíð Oddsson utanríkisráðherra.
Þá staðfesti forseti Íslands svohljóðandi úrskurð um skiptingu starfa ráðherra:
„Samkvæmt tillögu forsætisráðherra og með skírskotun til 15. gr. stjórnarskrárinnar, laga og reglugerða um Stjórnarráð Íslands, er störfum þannig skipt með ráðherrum:
- Halldór Ásgrímsson fer með forsætisráðuneytið.
- Davíð Oddsson fer með utanríkisráðuneytið og Hagstofu Íslands.
- Árni Magnússon fer með félagsmálaráðuneytið.
- Árni M. Mathiesen fer með sjávarútvegsráðuneytið.
- Björn Bjarnason fer með dóms- og kirkjumálaráðuneytið.
- Geir Hilmar Haarde fer með fjármálaráðuneytið.
- Guðni Ágústsson fer með landbúnaðarráðuneytið.
- Jón Kristjánsson fer með heilbrigðis- og tryggingamálaráðuneytið.
- Sigríður Anna Þórðardóttir fer með umhverfisráðuneytið.
- Sturla Böðvarsson fer með samgönguráðuneytið.
- Valgerður Sverrisdóttir fer með iðnaðarráðuneytið og viðskiptaráðuneytið.
- Þorgerður Katrín Gunnarsdóttir fer með menntamálaráðuneytið.
Með úrskurði þessum falla úr gildi eldri ákvæði um skiptingu starfa ráðherra.“
Ennfremur voru endurstaðfestar í ríkisráði ýmsar afgreiðslur, sem fram höfðu farið utan ríkisráðsfundar.
Ríkisráðsritari, 15. september2004.