Opinber heimsókn forsætisráðherra Danmerkur
Opinber heimsókn forsætisráðherra Danmerkur
9.-11. apríl 2003
Anders Fogh Rasmussen forsætisráðherra Danmerkur kemur ásamt eiginkonu sinni, frú Anne-Mette Rasmussen, og fylgdarliði í opinbera heimsókn til landsins 9.-11. apríl nk.Á dagskrá heimsóknarinnar eru m.a. viðræður við forsætisráðherra, skoðun handritasýningarinnar í Þjóðmenningarhúsinu, hátíðarkvöldverður í Perlunni, heimsókn í Bláa lónið og orkuverið í Svartsengi, hádegisverður hjá forseta Íslands á Bessastöðum og skoðunarferð til Vestmannaeyja og um Suðurland.
Þá mun danski forsætisráðherrann afhenda forsætisráðherra frumrit stjórnarskrárinnar um hin sérstaklegu málefni Íslands frá 1874 við hátíðlega athöfn í Þjóðmenningarhúsinu miðvikudaginn 9. apríl nk. kl. 16.20. Er fulltrúum fjölmiðlanna sérstaklega boðinn aðgangur að þeirri athöfn, sem og að sameiginlegum blaðamannafundi forsætisráðherranna, sem fram fer sama dag á sama stað kl. 17.20.
Í Reykjavík, 7. apríl 2003