Samantekt allra aðgerða ráðuneyta frá hruni birt

Forsætisráðherra lagði fram á fundi ríkisstjórnar 24. mars samantekt allra ráðuneyta á þeim aðgerðum sem gripið hefur verið til frá falli bankanna í október á síðasta ári. Með henni fæst heildstætt yfrilit yfir bæði beinar og óbeinar aðgerðir, skipulagsbreytingar og annað það sem stjónvöld hafa gripið til frá því í október. Samantektin er aðgengileg á upplýsingavef stjórnvalda www.island.is

Dómsmálaráðherra lagði fram minnisblað um endurskoðun rekstraráætlunar embættis sérstaks saksóknara fyrir árin 2009 og 2010.

Utanríkisráðherra lagði fram mál er varða staðfestingu reglugerðar Evrópusambandsins vegna mála er tengjast Schengen samningnum.

Sjá einnig:

• Fréttatilkynningar ráðuneyta, upplýsingar fyrir blaðamenn og upptökur af blaðamannafundum ríkisstjórnarinnar
• Dagskrá ríkisstjórnafunda

Reykjavík 24. mars 2009