Tímamótafundur í ríkisstjórn í morgun
Í morgun var haldinn 250. fundur ríkisstjórnar Samfylkingarinnar og Vinstrihreyfingarinnar - græns framboðs. Um var að ræða tímamótafund þar sem konur eru nú í fyrsta sinn í meirihluta í ríkisstjórn hér á landi og kona skipar nú í fyrsta sinn embætti fjármálaráðherra.
Meðfylgjandi er mynd af fundinum (hægt er að smella á hana til að sjá stærri útgáfu). Á myndinni eru frá vinstri: Guðbjartur Hannesson velferðarráðherra, Svandís Svavarsdóttir umhverfisráðherra, Katrín Jakobsdóttir mennta- og menningarmálaráðherra, Steingrímur J. Sigfússon efnahags- og viðskiptaráðherra og sjávarútvegs- og landbúnaðarráðherra, Jóhanna Sigurðardóttir forsætisráðherra, Össur Skarphéðinsson utanríkisráðherra, Katrín Júlíusdóttir iðnaðarráðherra, Ögmundur Jónasson innanríkisráðherra og Oddný G. Harðardóttir fjármálaráðherra.
Sjá jafnframt á stjornarrad.is yfirlit yfir ríkisstjórnir Íslands frá lýðveldisstofnun.