Forsætisráðherra heimsækir Þjóðminjasafn Íslands

Forsætisráðherra heimsótti Þjóðminjasafn Íslands síðdegis í gær og hitti starfsfólk safnsins og fræddist um starfsemi þess. Í heimsókn sinni skoðaði ráðherra grunnsýningu safnsins og hátíðarsýninguna Silfur Íslands. Jafnframt var bókakostur Þjóðminjasafns sem og geymslur þess við Vesturvör í Reykjavík skoðaðar auk þess sem ráðherra fræddist um húsasafn Þjóðminjasafnsins. Dagskrá forsætisráðherra lauk með kynningu í Þjóðmenningarhúsi á áformum safnsins varðandi uppbyggingu þar í næstu framtíð.