Danadrottning viðstödd hátíðardagskrá í Þjóðleikhúsinu
Viðamikil hátíðardagskrá var í Þjóðleikhúsinu í gærkvöldi í tilefni af 350 ára afmæli Árna Magnússonar og var Margrét II Danadrottning sérstakur hátíðargestur. Forseti Íslands flutti ávarp, auk fræðimanna og rithöfunda. Þá buðu tónlistarmenn og leikarar upp á fjölbreytta dagskrá sem varpaði ljósi á arf Árna Magnússonar í nútímanum.
Fyrr um daginn opnaði Sigmundur Davíð Gunnlaugsson forsætisráðherra sýninguna Íslenska teiknibókin – 350 ára afmæli Árna Magnússonar í Gerðasafni í Kópavogi að viðstöddum Margréti II Danadrottningu og Ólafi Ragnari Grímssyni forseta Íslands. Einnig fluttu Guðbjörg Kristjánsdóttir sýningarstjóri og Guðrún Nordal, forstöðumaður Stofnunar Árna Magnússonar ávörp við það tilefni.