Fundur með varaforseta ráðgjafarþings Kína

Sigmundur Davíð Gunnlaugsson forsætisráðherra átti nú síðdegis fund með Du Qinglin, varaforseta kínverska ráðgjafarþingsins, en varaforseti þingsins er staddur hér á landi í boði forseta Alþingis. Á fundinum voru tvíhliða samskipti ríkjanna rædd, meðal annars þau tækifæri sem felast í fríverslunarsamningi Íslands og Kína sem tók gildi í sumar. Einnig voru mannréttindamál, ferðamál, orkumál og málefni norðurslóða til umfjöllunar.