Þjóðhátíðargjöf Norðmanna
Þjóðhátíðargjöf Norðmanna 2001
Úthlutað hefur verið styrkjum þessa árs úr sjóðnum Þjóðhátíðargjöf Norðmanna. Norska Stórþingið samþykkti í tilefni ellefu alda afmælis Íslandsbyggðar 1974 að færa Íslendingum eina milljón norskra króna að gjöf í ferðasjóð. Samkvæmt skipulagsskrá sjóðsins skal ráðstöfunarfénu, vaxtatekjum af höfuðstól, varið til að styrkja hópferðir Íslendinga til Noregs.
Styrkir voru fyrst veittir úr sjóðnum 1976 og fór nú fram tuttugasta og fjórða úthlutun. Ráðstöfunarfé sjóðsins var að þessu sinni kr. 634.803,-. Styrkumsóknir voru 15, en samþykkt var að styrkja eftirtalda aðila:
Kristilegu skólahreyfinguna, meðferðarheimilið Árbót, kennara við Grenivíkur-, Valsár- Stjórutjarnar- og Þelamerkurskóla, Stígamót og nemendur í búvísindadeild III við Landbúnaðarháskólann á Hvanneyri.
Í Reykjavík, 17. maí 2001