Forsætisráðherra Eistlands í heimsókn
Frétt nr.: 16/2001
Opinber heimsókn forsætisráðherra Eistlands 22. til 26. maí 2001
Forsætisráðherra Eistlands, hr. Mart Laar, kemur ásamt eiginkonu sinni, frú Katrin Laar, og fylgdarliði í opinbera heimsókn til landsins í kvöld.
Dagskrá heimsóknarinnar hefst í fyrramálið með fundi forsætisráðherra Íslands og Eistlands í Ráðherrabústaðnum við Tjarnargötu. Að fundi þeirra loknum heimsækir hann ráðhúsið og snæðir síðan hádegisverð í boði forseta Íslands á Bessastöðum. Á morgun heimsækir hann jafnframt Alþingi, fundar með utanríkismálanefnd, heimsækir Íslenska erfðagreiningu og skoðar handrit í Stofnun Árna Magnússonar. Öðrum dögum heimsóknarinnar verður varið til skoðunarferða um Suðurland og Vestmannaeyjar. Dagskrá heimsóknarinnar fylgir hjálögð.
Boðað er til sameiginlegs blaðamannafundar forsætisráðherra Íslands og Eistlands í Ráðherrabústaðnum við Tjarnargötu á morgun, miðvikudaginn 23. maí nk., kl. 10.30.