A.03. Bráðaviðbragð neyðarþjónustu
Aðgerðin er í vinnslu | |
---|---|
Tengiliðir
Helga Harðardóttir, heilbrigðisráðuneytinu - [email protected]
Margrét Halldóra Hallgrímsdóttir, dómsmálaráðuneytinu - [email protected]
Fréttir
13.01.23 39 tillögur viðbragðsteymis að umbótum í bráðaþjónustu á landsvísu
Verkefnið
Markmið: Að neyðarþjónusta verði bætt og öryggi aukið um land allt.
Stutt lýsing: Aðgerðin verði tvíþætt. Annars vegar verði viðbragðstími neyðarþjónustu greindur og staðan kortlögð til að unnt verði að stytta tímann og auka öryggi um land allt. Mæling á viðbragðstíma lögreglu og annarra viðbragðsaðila verði samræmd, greint hvort þjónustu- og öryggisstig sé sambærilegt um allt land og metið hvaða breytinga sé þörf og hvernig bæta megi þjónustu og öryggi. Hins vegar verði nærsamfélagið virkjað til að auka líkur á góðri útkomu í bráðaaðstæðum fyrir bráðaþjónustu og sjúkraflutninga. Stutt verði við umgjörð um samræmda skipulagða þjónustu vettvangsliða um landið, svo sem björgunarsveita, RKÍ og annarra í nærumhverfi, með því að námskeiðum fyrir vettvangsliða verði fjölgað.
- Ábyrgð: Dómsmálaráðuneytið og heilbrigðisráðuneytið.
- Framkvæmdaraðili: Ríkislögreglustjóri, heilbrigðisstofnanir og heilsugæslur.
- Dæmi um samstarfsaðila: Lögreglustjórar, sveitarfélög, slökkvilið, Rauði krossinn á Ís¬landi, björgunarsveitir, félagasamtök, Sjúkraflutningaskólinn og Neyðarlínan.
- Tímabil: 2022–2025.
- Tenging við aðrar stefnur/áætlanir: Löggæsluáætlun, aðgerðaáætlun fyrir bráðaþjónustu og sjúkraflutninga.
- Tenging við heimsmarkmið Sameinuðu þjóðanna: Styður markmið 1, 3, 11 og 16, einkum undirmarkmið 1.5, 3.6, 11.5, 11.a og 16.6.
- Tillaga að fjármögnun: 30 millj. kr. af byggðaáætlun.